საქართველოს გენერალური საკონსულო ქ. განჯაში

საქართველოს საგარეო საქმეთა სამინისტრო აცხადებს საგრანტო კონკურსს  „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

საქართველოს საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“. კონკურსის მიზანია ქართული ენის სწავლების ხელშეწყობა და ქართული კულტურის პოპულარიზაცია, ასევე, დიასპორული ინიციატივების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.

2026 წლის 20 იანვარს, საქართველოს გენერალურმა კონსულმა ქ. განჯაში კახაბერ აბდალაძემ, ქ. განჯის აღმასრულებელი ხელისუფლების წარმომადგენლებთან ერთად, პატივი მიაგო 1990 წლის 20 იანვარს სამშობლოს თავისუფლებისთვის დაღუპულთა ხსოვნას.

2026 წლის 15 იანვარს, საქართველოს გენერალური კონსული ქ. განჯაში კახაბერ აბდალაძე დაესწრო განჯის სახანოს უკანასკნელი მმართველის ჯავად ხანის ხსოვნისადმი მიძღვნილ ღონისძიებას.

2025 წლის 12 დეკემბერს, საქართველოს გენერალურმა კონსულმა ქ. განჯაში კახაბერ აბდალაძემ, ჰეიდარ ალიევის გარდაცვალების 22-ე წლისთავთან დაკავშირებით, მონაწილეობა მიიღო აზერბაიჯანელი ხალხის საერთო ეროვნული ლიდერის ხსოვნისადმი მიძღვნილ ღონისძიებებში.

2025 წლის 3 დეკემბერს, საქართველოს გენერალური კონსული ქ. განჯაში კახაბერ აბდალაძე დაესწრო აზერბაიჯანის რესპუბლიკის სახალხო არტისტის მანსუმ იბრაჰიმოვის 65 წლის იუბილესადმი მიძღვნილ შემოქმედებით საღამოს.